ໃນລະດູຮ້ອນ, ນອກຈາກຈະພົບກັບອາກາດທີ່ຮ້ອນແລ້ວ ຍັງຕ້ອງພົບກັບພະຍາດທີ່ມັກຈະມາກັບພ້ອມກັບອາກາດຮ້ອນອີກ ຍ້ອນວ່າລະດູຮ້ອນແມ່ນລະດູທີ່ເຫມາະສົມໃນການຂະຫຍາຍຕົວຂອງເຊື້ອແບັກທີເຣຍບາງຊະນິດ ໂດຍສະເພາະແມ່ນເຊື້ອແບັກທີເຣຍທີ່ເຮັດໃຫ້ເກີດພະຍາດກະເພາະ – ລຳໄສ້ ພ້ອມທັງຍັງເປັນສາເຫດທີ່ພາໃຫ້ເກີດອາການ ແລະ ພະຍາດອື່ນໆນຳອີກ.
ມາເບິ່ງວ່າ ພະຍາດຍອດນິຍົມທີ່ມາກັບລະດູຮ້ອນມີພະຍາດຫຍັງແດ່?
- ພາວະ Heat stroke (ພະຍາດລົມແດດ)
ອຸນຫະພູມຮ່າງກາຍສູງຂຶ້ນໄວວາ (>40 ອົງສາ) ຈົນເຮັດໃຫ້ຮ່າງກາຍບໍ່ສາມາດຄວບຄຸມ ຫຼື ປັບອຸນຫະພູມລົງໄດ້.
2. ພະຍາດຖອກທ້ອງ
ເກີດຈາກການກິນອາຫານທີ່ປົນເປື້ອນເຊື້ອພະຍາດ ເນື່ອງຈາກອາກາດຮ້ອນຈະເຮັດໃຫ້ອາຫານເນົ່າເສຍໄດ້ໄວ ເປັນສາເຫດທີ່ເຮັດໃຫ້ເກີດພາວະອາຫານເປັນພິດ ແລະ ຖອກທ້ອງ.
3. ອາຫານເປັນພິດ
ອາການຜິດປົກກະຕິທີ່ເກີດຂຶ້ນຫຼັງຈາກກິນອາຫານທີ່ປົນເປື້ອນເຊື້ອພະຍາດ ເຮັດໃຫ້ມີອາການ ປວດຮາກ, ຮາກ, ຖອກທ້ອງ ເປັນຕົ້ນ.
4. ຕຸ່ມຜື່ນ
ການອັກເສບຂອງຜິວໜັງຊັ້ນນອກທີ່ເກີດຈາກອາກາດຮ້ອນ ເຮັດໃຫ້ເກີດຕຸ່ມຜື່ນແດງ, ຕຸ່ມຄັນ ຂຶ້ນຕາມຮ່າງກາຍ ເຊິ່ງເກີດຈາກການສະສົມຂອງເຊື້ອແບັກທີເຣຍ ແລະ ເກີດຈາກການສຽດສີກັນຂອງ ຮ່າງກາຍ.
ສູນການເເພດບົ່ງມະຕິພະຍາດສາກົນ IMDC
ສອບຖາມຂໍ້ມູນເພີ່ມເຕີມໄດ້ທີ່:
020 55518913
021 252870