ການໃຊ້ຊີວິດຂອງແຕ່ລະຄົນມີຮູບແບບທີ່ແຕກຕ່າງກັນ ບໍ່ວ່າຈະເປັນດ້ານການກິນອາຫານ, ການເຂົ້າສັງຄົມ, ແລະວິຖີຊີວິດທີ່ຫຼາກຫຼາຍ ສິ່ງເຫຼົ່ານີ້ອາດຈະມີຜົນກະທົບທາງລົບຕໍ່ສຸຂະພາບຂອງທ່ານ ສ່ວນໃຫຍ່ທີ່ສາມາດພົບເຫັນເເມ່ນນຳພະນັກງານຫ້ອງການ ພຶດຕິກໍາທີ່ຄຸ້ນເຄີຍໃນຂະນະທີ່ເຮັດວຽກອາດຈະສົ່ງຜົນກະທົບທາງລົບຕໍ່ຮ່າງກາຍຂອງເຮົາ ມື້ນີ້ພວກເຮົາຈະພາທ່ານໄປເບິ່ງວ່າ ພະຍາດທີ່ພົບຫຼາຍໃນຄົນໄວເຮັດວຽກ ມີຫຍັງແດ່
1.ຄຽດລົງກະເພາະ
ເມື່ອເກີດຄວາມຄຽດເປັນປະຈຳໃນເວລາເຮັດວຽກ ກະເພາະຂອງຄົນເຮົາຈະຜະລິດນ້ຳຍ່ອຍອອກມາຫຼາຍກວ່າປົກກະຕິ ເຮັດໃຫ້ເກີດການລະຄາຍເຄືອງ ຈຸກສຽບ ໃນກະເພາະ.
- Office Syndrome
ເກີດຈາກການນັ່ງເຮັດວຽກເປັນເວລາດົນ ໂດຍສະເພາະຄົນທີ່ເຮັດວຽກກັບຄອມພິວເຕີ ເຮັດໃຫ້ມີພາວະກ້າມຊີ້ນເຄັ່ງຕຶງ ແລະ ເກີດການອັກເສບ.
3.ກົດໄຫຼຍ້ອນ
ການກິນອາຫານບໍ່ເປັນເວລາ ເຮັດໃຫ້ເກີດຄວາມຜິດປົກກະຕິຂອງລະບົບຍ່ອຍອາຫານໃນກະເພາະ ພາໃຫ້ກະເພາະບີບຮັດບໍ່ເປັນຈັງຫວະເປັນສາເຫດຂອງ ກົດໄຫຼຍ້ອນ.
4.ພົກຍ່ຽວອັກເສບ
ການອົດຍ່ຽວເປັນເວລາດົນໃນເວລາເຮັດວຽກ ເຮັດໃຫ້ພົກຍ່ຽວເຄັ່ງຕຶງ ເຈັບ ແລະ ສາມາດເຮັດໃຫ້ເກີດການສະສົມຂອງເຊື້ອພະຍາດໃນພົກຍ່ຽວທີ່ເປັນສາເຫດພາໃຫ້ເກີດພົກຍ່ຽວອັກເສບ.
ການດູແລຕົວເອງເປັນສິ່ງທີ່ພວກເຮົາສາມາດເຮັດໄດ້ ຖ້າຮ່າງກາຍຂອງເຮົາແຂງແຮງ ມັນຈະຊ່ວຍໃຫ້ພວກເຮົາເຮັດວຽກມີປະສິດທິພາບຫຼາຍຂຶ້ນ ແລະດໍາລົງຊີວິດສະດວກສະບາຍ ການກວດສຸຂະພາບປະຈໍາປີແມ່ນຖືວ່າມີຄວາມສໍາຄັນ ເປັນອີກຕົວຊ່ວຍປ້ອງກັນພະຍາດຕ່າງໆ ປັບພຶດຕິກຳການດຳລົງຊີວິດ, ປັບປຸງການກິນ ອາຫານໃຫ້ຄົບ 5 ໝວດອາຫານ, ອອກກຳລັງກາຍ ແລະ ພັກຜ່ອນໃຫ້ພຽງພໍ ອອກໄປຊອກຫາຄວາມສຸກໃຫ້ຕົນເອງ ເເມ່ນສາມາດຊ່ວຍໃຫ້ສຸຂະພາບຂອງທ່ານລີກລ້ຽງອາການເລົ່ານີ້ໄດ້