ໄຂ້ຫວັດໃຫຍ່ສາມາດພົບໄດ້ທຸກເພດທຸກໄວ ແລະພົບ
ຫຼາຍທີ່ສຸດໃນເດັກນ້ອຍ ແຕ່ອັດຕາການຕາຍເກີດຂຶ້ນໃນຄົນເຈັບທີ່ມີອາຍຸຫຼາຍກວ່າ 65 ປີ ຫຼືຜູ້ທີ່ມີພະຍາດ ເຊັ່ນ: ພະຍາດຫົວໃຈ, ພະຍາດປອດ, ພະຍາດໝາກໄຂ່ຫຼັງ ແລະ ອື່ນໆ, ການສັກຢາປ້ອງກັນແມ່ນວິທີປ້ອງກັນທີ່ມີປະສິດທິຜົນທີ່ສຸດ ສາມາດຫຼຸດຜ່ອນອັດຕາການຕິດເຊື້ອ ຫຼຸດຜ່ອນອັດຕາການເຂົ້າໂຮງໝໍ ຫຼຸດຜ່ອນອາການແຊກຊ້ອນ ແລະຫຼຸດຜ່ອນເວລາລົງ
ອາການເມື່ອຕິດເຊື້ອ “ໄຂ້ຫວັດໃຫຍ່”
- ເຈັບກ້າມເນື້ອ
- ໄຂ້ສູງ
- ນ້ຳມູກໄຫຼ
- ເຈັບຫົວ, ເມື່ອຍລ້າ
- ເບື່ອອາຫານ
- ໃນເດັກນ້ອຍອາດຈະມີອາການ ປວດຮາກ, ຮາກ, ຖອກທ້ອງ
- ໄອແຫ້ງ
ວິທີປ້ອງກັນ
ສັກຢາປ້ອງກັນ ໄຂ້ຫວັດໃຫຍ່ 1 ຄັ້ງ ຕໍ່ປີ
ເດັກນ້ອຍສາມາດສັກໄດ້ ຕັ້ງແຕ່ອາຍຸ 6 ເດືອນຂຶ້ນໄປ ແມ່ຍິງຖືພາສາມາດສັກໄດ້ ເມື່ອາຍຸຖືພາ ໄດ້ 7 ເດືອນ ເພື່ອປ້ອງກັນທັງແມ່ ແລະ ລູກນ້ອຍຫຼັງເກີດ
ກຸ່ມທີ່ສ່ຽງຕໍ່ການຕິດເຊື້ອ “ໄຂ້ຫວັດໃຫຍ່”
- ຜູ້ສູງອາຍຸ 65 ປີ ຂຶ້ນໄປ
- ແມ່ຍິງຖືພາ 4 ເດືອນຂຶ້ນໄປ
- ຜູ້ທີ່ມີພາວະ ພູມຄຸ້ມກັນຕໍ່າ
- ຜູ້ທີ່ມີພາວະນ້ຳໜັກເກີນ (ໂລກອ້ວນ)
- ເດັກນ້ອຍ ອາຍຸຕ່ຳກວ່າ 2 ປີ
- ພະຍາດປອດອັກເສບຊໍາເຮື້ອ, ຫອບຫືດ, ຫົວໃຈ, ເບົາຫວານ